Actual: Vendita dalla pasternaria/caffé cun la habitaziun a Vrin

La pasternaria cul Caffé Caminada ei in impurtont menaschi per la vischnaunca da Vrin e per l‘entira Val Lumnezia. Vrin sesanfla entadem la Val Lumnezia ed ei liug da partenza sur la renomada GREINA.

La pasternaria ei enconuschenta per sias spezialitads ed il caffé ei in liug da sentupada per hosps da lunsch e da maneivel. La casa ei vegnida baghegiada igl onn 1985 e sepresenta en in bien stan. Il pasterner da Vrin, Dante Caminada e sia dunna Regina, ein cuort avon la pensiun ed enqueran in successur. Cun la fin 2017 stat la vendita dalla pasternaria/caffé cun la habitaziun en discussiun.

Ulteriur sclariment sut 081 931 12 27.

?  ?  ?